Sjúkraflutningaskólinn

Fyrir hönd Sjúkraflutningaskólans óskum við öllum gleðilegra jóla og farsældar á komandi ári.
Þökkum kærlega fyrir gott samstarf á árinu sem er að líða og hlökkum til frekari samvinnu á nýju ári.

Laugardaginn 10. desember var haldið námskeið í sérhæfðri endurlífgun I (ILS) á Vopnafirði. Námskeiðið var liður í endurmenntun sjúkraflutningamanna á Vopnafirði og Þórshöfn. Námskeiðið sóttu níu manns, sjúkraflutningamenn, hjúkrunarfræðingur og læknir.

Leiðbeinendur á námskeiðinu voru Sveinbjörn Dúason og Hrafnhildur Lilja

Opið er fyrir umsóknir á grunnnámskeið í sjúkraflutningum - fjarnámsekið  til 22. janúar 2012. Þegar hafa borist umsóknir víðsvegar af landinu s.s. Vestmannaeyjum, Mosfellsbæ, Þórshöfn, Selfossi, Reykjanesbæ, Reykjavík, Húsavík og Kópavogi.

Við minnum þá umsækjendur sem þegar hafa sótt um að senda gögn vegna inntökuskilyrða áður en umsóknarfrestur rennur út.

Sjúkraflutningaskólinn í samvinnu við Rauða kross Íslands (RKÍ) skipulagði og kenndi á námskeiðum í sérhæfðri endurlífgun II í Palestínu í nóvember sl. Þessi námskeið eru hluti af stóru samvinnuverkefni RKÍ og palestínska rauða hálfmánans (PRCS) sem felst í því að tryggja þekkingu og hæfni í endurlífgun hjá heilbrigðisstarfsfólki í Palestínu. Sjúkraflutningaskólanum var falið að skipuleggja og framkvæma þessi námskeið og er það gert með vitund Endurlífgunarráðs Íslands sem hefur umsjón með námskeiðum í sérhæfðri endurlífgun á vegum evrópska Endurlífgunarráðsins (ERC).