Almennt - þriðjudagur 18.október 2011 - Hrafnhildur - Lestrar 21
Sigurður E. Sigurðsson
Björn Gunnarsson, svæfingalæknir hefur sagt starfi sínu lausu sem formaður fagráðs Sjúkraflutningaskólans vegna persónulegra aðstæðna. Honum eru þökkuð góð störf í þágu skólans undanfarin ár. Sigurður E. Sigurðsson, svæfingalæknir og framkvæmdastjóri lækninga á FSA hefur tekið við sem formaður fagráðs auk þess sem hann verður umsjónarlæknir sjúkraflutninga í heilbrigðisumdæmi Norðurlands og þar með situr hann sem fulltrúi í fagráð sjúkraflutninga á vegum Velferðarráðuneytisins. Sjúkraflutningaskólinn býður Sigurð velkominn og óskar honum velfarnaðar í þessum mikilvægu verkefnum.
