Staðsetning:
Bóklegt efni á Moodle kerfi Sjúkraflutningaskólans. Verklegar lotur eru á Björgunarmiðstöðinni á Selfossi,  skyldumæting er í verklegar lotur. Sjá nánar dags. á verklegum lotum hér að ofan, ýtið á tenglana til að sjá dagskrá.

Markmið:
Að nemendur verði færir um að tryggja öryggi á vettvangi og meta ástand sjúklings. Þeir þurfa einnig að geta meðhöndlað og flutt sjúkling(a) á viðeigandi hátt.
Námskeiðið er í grunninn byggt á viðurkenndum bandarískum EMT staðli (Emergency Medical Technician) og inniheldur bæði bóklega og verklega kennslu en er þó staðfært miðað við íslenskar aðstæður. Það er upphafið á heildarnámi sjúkraflutningamanna sem áætlað er að taki 3-4 ár.

Viðfangsefni:
Í fyrirlestrunum er m.a. fjallað um starf sjúkraflutningamanna, öryggi, sóttvarnir og heilsuvernd. líffæra- og lífeðlisfræði, lífsmörk, öndunarhjálp, endurlífgun, skoðun og mat, almenna flutningstækni, skráningu og skýrslugerð, fæðingarhjálp, meðhöndlun sára og áverka svo eitthvað sé nefnt. Nemendur fá einnig viðeigandi verklega þjálfun í ofangreindum kennsluþáttum. Nemendur þurfa að ljúka 48 klukkustunda starfsþjálfun hjá viðurkenndum rekstraraðila í sjúkraflutningum sem uppfylla kröfur um starfsþjálfun, auk 8 klukkustunda starfsþjálfunar á bráðamóttöku.

Forkröfur:
Umsækjandi skal hafa lokið 100 Framhaldsskólaeiningum (60 gamlar einingar) námi í framhaldsskóla eða sambærilegu námi og hafa innan við tveggja ára gamalt skírteini í skyndihjálp, að lágmarki 8 kennslustundir.
Umsækjandi þarf að vera 18 ára á því ári sem nám er hafið. Rétt er að geta þess að flestir rekstraraðilar gera kröfu um að sjúkraflutningamenn séu 20 ára.
Ef fleiri sækja um en sæti leyfa er raðað eftir menntun og reynslu umsækjenda.

Námsmat:
Grunnnámskeiðinu lýkur með prófi, bæði bóklegu og verklegu. Krafist er 75% árangurs í skriflegu prófi og nemendur skulu standast verkleg próf. Farið er fram á skyldumætingu í fyrirlestra og verklegar æfingar. Nemendur þurfa einnig að ljúka starfsþjálfun á sjúkrabílum og bráðamótttöku og skila fullnægjandi starfsþjálfunarskýrslum. Að því loknu geta nemendur sótt um löggildingu til að hefja störf sem sjúkraflutningamenn með grunnmenntun.

Starfsþjálfun:
Í skipulagi Fagráðs skólans um námið er skýrt að starfsþjálfun þarf að taka á ákveðin hátt.
Þjálfun á sjúkrabíl 48 tímar.
Þar þarf að taka lágmark 48 tíma sem þriðji maður á sjúkrabíl undir leiðsögn bráðatæknis, af því má taka 24 tíma sem þriðji maður á almennum bíl undir leiðsögn amk. neyðarflutningamanns. Vaktir skal taka á þeim stöðum sem skólinn samþykkir, Slökkviliði höfuðborgarsvæðissins, Slökkviliðs Akureyrar, Brunavarna Suðurnesja eða HSU á Selfossi.
Lágmarksfjöldi tilfella er 12-15 tilfelli (eftir dreifingu) og skulu þau spanna sem mest þau tilfelli sem sjúkraflutingamenn þurfa að kunna skil á í náminu.
Eina 8 tíma vakt skal taka á Bráðamóttöku Landspítala, HSU Selfossi, HSS Keflavík eða Sjúkrahússins á Akureyri.
Undirrituðum skýrslum og staðfestingu á vöktum skal skila til skrifstofu skólans þegar allar vaktir hafa verið teknar. Einnig má skila þeim í tölvupósti skönnuðum á PDF formi.
Athugið að til þess að starfa sem sjúkraflutningamaður þar viðkomandi að hafa fengið löggildingu sem sjúkraflutningamaður.

Kennslubók:
Emergency Care, 13/E
Limmer, O'Keefe, Grant, Murray, Bergeron & Dickinson
SBN-10: 0134024559 • ISBN-13: 9780134024554 ©2016
Athugið að kennslubókin eru ekki innifalin á námskeiðsverði en hægt að panta bæði á erlendum bókasölum en einnig hjá Bóksölu studenta. Panta þarf bókina með fyrirvara.
ISBN númerið er einskonar kennitala bókarinnar til að tryggja að um sé að ræða rétta bók. Kennslubókin hefur tvö ISBN númer, bæði í flokki 10 og 13 en þetta er sama bókin.

Umsóknarfrestur:
Umsóknarfrestur er til og með 15. ágúst. Væntanlegir nemendur verða að skrá sig á vef skólans og senda gögn til staðfestingar inntökuskilyrðunum. Gögnin eru staðfest afrit frá skóla þar sem fram koma einingar og prófskírteini ef námi er lokið (lágmark 100 Framhaldsskólaeiningum (60 gamlar einingar) ) og þátttöku á skyndihjálparnámskeiði eða sambærilegu. Athugið að miðað er við gild réttindi í skyndihjálp.
Gögnin skulu hafa borist skólanum fyrir lok skráningarfrests. Senda skal gögnin sem PDF viðhengi á netfangið ems@ems.is
Eftir að gögn hafa borist skólanum fer inntökunefnd í gegnum umsóknir. Þegar niðurstöður hennar liggja fyrir fá nemendur sem komast í námið upplýsingar um greiðslu staðfestingargjalds kr. 70.000. Staðfestingargjald fæst ekki endurgreitt. Eftirstöðvar kr. 375 þúsund verða rukkaðar meðan á námi stendur.