Fara í efni
Til baka
6
feb
Grunnnámskeið í sjúkraflutningum streymisnámskeið Reykjavík
Tímabil: 06/02/2021 - 28/03/2021
Skráningu líkur: 16/11/2020
Lengd: 260 kennslustundir
Staðsetning: Korpuskóli, Grafarvogi, Reykjavík
Hámarksfjöldi: 12 manns
Kennari:
Kristján Sigfússon
Verð: 350000 kr.
Umsjónarmaður: Kristján Sigfússon

Grunnnámskeið í sjúkraflutningum EMT er 260 tíma námskeið sem gefur réttindi til að að starfa við sjúkraflutninga í teymi undir stjórn fullmenntaðs sjúkraflutningamanns EMTA/P.  Streymisnámskeið verður haldið í Reykjavík ef næg þátttaka fæst frá 6. febrúar til og með 28. mars.  

Í ljósi þess að Covid er ekki alveg að láta undan höfum við tekið þá ákvörðun að breyta staðarnámskeiði í Reykjavík í fjarnám með verklegum lotum og verður það þá keyrt eins og námskeiðin í Sandgerði, Akureyri og Reyðarfirði.
Verklegar lotur verða því sem hér segir:

Upphafslota 6.-8. febrúar, kynning og fyrstu skref

Verkleg lota 1. 12.-14. feb.

Verkleg lota 2. 26.-28. feb

Verkleg lota 3. 12.-14.mars

Verkleg lota 4 (sem jafnframt er prófahelgi) 26.-28. feb.

Skyldumæting er í allar verklegar lotur!

Staðsetning: Tunguhálsi slökkvistöð SHS.

Í ljósi þess að Covid er ekki alveg að láta undan höfum við tekið þá ákvörðun að breyta staðarnámskeiði í Reykjavík í fjarnám með verklegum lotum og verður það þá keyrt eins og námskeiðin í Sandgerði, Akureyri og Reyðarfirði.
Verklegar lotur verða því sem hér segir:
Upphafslota 6.-8. febrúar, kynning og fyrstu skref
Verkleg lota 1. 12.-14. feb.
Verkleg lota 2. 26.-28. feb
Verkleg lota 3. 12.-14.mars
Verkleg lota 4 (sem jafnframt er prófahelgi) 26.-28. mars.

Skyldumæting er í allar verklegar lotur!

 
Markmið: Námskeiðið er í grunninn byggt á viðurkenndum bandarískum EMT staðli (Emergency Medical Technician) og inniheldur bæði bóklega og verklega kennslu en er þó staðfært miðað við íslenskar aðstæður. Það er upphafið á heildarnámi sjúkraflutningamanna sem áætlað er að taki 3-4 ár.
 
Viðfangsefni: Í fyrirlestrunum er m.a. fjallað um starf sjúkraflutningamanna, öryggi, sóttvarnir og heilsuvernd. líffæra- og lífeðlisfræði, lífsmörk, öndunarhjálp, endurlífgun, skoðun og mat, almenna flutningstækni, skráningu og skýrslugerð, fæðingarhjálp, meðhöndlun sára og áverka svo eitthvað sé nefnt. Nemendur fá einnig viðeigandi verklega þjálfun í ofangreindum kennsluþáttum. Nemendur þurfa að ljúka 48 klukkustunda starfsþjálfun hjá viðurkenndum rekstraraðila í sjúkraflutningum sem uppfylla kröfur um starfsþjálfun, auk 8 klukkustunda starfsþjálfunar á Bráðamóttöku og 4 tíma starfskynningu hjá Neyðarlínu.
 
Inntökuskilyrði:

Umsækjandi skal hafa lokið 60 eininga (100 f-einingar) námi í framhaldsskóla eða sambærilegu námi og hafa innan við tveggja ára gamalt skírteini í skyndihjálp, að lágmarki 8 kennslustundir.

Umsækjandi þarf að vera 18 ára á því ári sem nám er hafið. Rétt er að geta þess að flestir rekstraraðilar gera kröfu um að sjúkraflutningamenn séu 20 ára.

Ef fleiri sækja um en sæti leyfa er raðað eftir menntun og reynslu umsækjenda.

Þeir sem eru sendir á vegum rekstraraðila eða hafa meðmæli frá rekstraraðilum hafa forgang á námskeiðið.

 
Námsmat:

Grunnnámskeiðinu lýkur með prófi, bæði bóklegu og verklegu. Krafist er 75% árangurs í skriflegu prófi og nemendur skulu standast verkleg próf. Farið er fram á skyldumætingu í fyrirlestra og verklegar æfingar. Nemendur þurfa einnig að ljúka starfsþjálfun á sjúkrabílum, bráðamótttöku, Hjartagátt og hjá 112 og skila fullnægjandi starfsþjálfunarskýrslum. Að því loknu geta nemendur sótt um löggildingu til að hefja störf sem sjúkraflutningamenn með grunnmenntun.

Athugið að til þess að starfa sem sjúkraflutningamaður þar viðkomandi að hafa fengið löggildingu sem sjúkraflutningamaður.

 
Námsefni:
 

Emergency Care, 13/E

Limmer, O'Keefe, Grant, Murray, Bergeron & Dickinson

ISBN-10: 0134024559 • ISBN-13: 9780134024554

©2016

Athugið að kennslubókin eru ekki innifalin á námskeiðsverði en hægt að panta bæði á erlendum bókasölum en einnig hjá Bóksölu studenta. Panta þarf bókina með fyrirvara.

ISBN númerið er einskonar kennitala bókarinnar til að tryggja að um sé að ræða rétta bók. Kennslubókin hefur tvö ISBN númer, bæði í flokki 10 og 13 en þetta er sama bókin.

 
Skráningartími:

Umsóknarfrestur er til og með föstudagsins 15. nóvember. Væntanlegir nemendur verða að skrá sig á vef skólans www.ems.is og senda gögn til staðfestingar inntökuskilyrðunum (ljósrit af einingafjölda (lágmark 60 einingar) og þátttöku á skyndihjálparnámskeiði).

Gögnin skulu hafa borist skólastjóra fyrir lok skráningarfrests. Senda skal staðfest afrit af prófskirteini rafrænt á PDF formi á netfangið ie1214@sak.is e

Eftir að gögn hafa borist skólastjóra fer inntökunefnd í gegnum umsóknir. Þegar niðurstöður hennar liggja fyrir fá nemendur sem komast í námið upplýsingar um greiðslu staðfestingargjalds kr. 50.000. Staðfestingargjald fæst ekki endurgreitt.