Fara í efni
Til baka
23
sep
Grunnnámskeið í sjúkraflutningum (EMT) streymisnámskeið Akureyri EMT
Tímabil: 23/09/2022 - 30/11/2022
Skráningu líkur: 15/08/2022
Lengd: 260 kennslustundir
Staðsetning: Slökkvistöðin á Akureyri við Árstíg
Hámarksfjöldi: 10 manns
Kennarar:
Eydís Sigurgeirsdóttir, Friðrik Jónsson
Verð: 390000 kr.
Umsjónarmaður: Friðrik Jónsson

Grunnnámskeið í sjúkraflutningum EMT verða haldið í Sandgerði, Reykjavík og Akureyri ef næg þátttaka fæst. Námskeiðið fer fram með áhorfi á netinu og fimm þriggja daga verklegum lotum sem enda með bóklegu og verklegu prófi. Dagssetningar á verklegum lotum eru hér að neðan, smellið á viðkomandi lotu til að sjá dagskrá og efni sem þarf að horfa á og lesa fyrir hverja lotu. Rétt er að benda á að umsækjendur þurfa að hafa lokið 2 ára námi í framhaldsskóla (lágmark 60 ein eða 100 F-ein) auk þess að hafa gilt skírteini í skyndihjálp.  Skólinn mun hafa milligöngu um námskeið í skyndihjálp fyrir þá sem það þurfa.

Verklegar lotur verða sem hér segir:

Upphafslota fös-lau 23-24. sept

Lota 1 fös-sun 14.-.16. Okt

Lota 2 fös-sun 28.-30. Okt

Lota 3 fös-sun 11.-13. Nóv

Lota 4 fös-sun 25.-27. Nóv.

Upptökupróf ef þarf lau 6. Des


Streymisnámskeið með verklegum lotum á Akureyri. Bóklegur hluti námskeiðs verður í gegnum Moodle kennslukerfis Verkmenntaskólans Akureyri á netinu. https://moodle.vma.is Verklegar lotur verða á Sjúkrahúsinu á Akureyri og/eða á Slökkvistöð Slökkviliðs Akureyrar sem hér segir:  Sett inn þegar nær dregur.

Gert er ráð fyrir að starfsþjálfun fari fram í des-feb.

Skyldumæting er í allar verklegar lotur!

Markmið:
  Að nemendur verði færir um að tryggja öryggi á vettvangi og meta ástand sjúklings. Þeir þurfa einnig að geta meðhöndlað og flutt sjúkling(a) á viðeigandi hátt.

Námskeiðið er í grunninn byggt á viðurkenndum bandarískum EMT staðli (Emergency Medical Technician) og inniheldur bæði bóklega og verklega kennslu en er þó staðfært miðað við íslenskar aðstæður. Það er upphafið á heildarnámi sjúkraflutningamanna sem áætlað er að taki 3-4 ár.

Viðfangsefni:
  Í fyrirlestrunum er m.a. fjallað um starf sjúkraflutningamanna, öryggi, sóttvarnir og heilsuvernd. líffæra- og lífeðlisfræði, lífsmörk, öndunarhjálp, endurlífgun, skoðun og mat, almenna flutningstækni, skráningu og skýrslugerð, fæðingarhjálp, meðhöndlun sára og áverka svo eitthvað sé nefnt. Nemendur fá einnig viðeigandi verklega þjálfun í ofangreindum kennsluþáttum. Nemendur þurfa að ljúka 48 klukkustunda starfsþjálfun hjá viðurkenndum rekstraraðila í sjúkraflutningum sem uppfylla kröfur um starfsþjálfun, auk 8 klukkustunda starfsþjálfunar á bráðamóttöku og 4 tíma starfskynningu hjá Neyðarlínu.
Skilyrði:
 

Umsækjandi skal hafa lokið 60 eininga (100 f-einingar) námi í framhaldsskóla eða sambærilegu námi og hafa innan við tveggja ára gamalt skírteini í skyndihjálp, að lágmarki 8 kennslustundir.

Umsækjandi þarf að vera 18 ára á því ári sem nám er hafið. Rétt er að geta þess að flestir rekstraraðilar gera kröfu um að sjúkraflutningamenn séu 20 ára.

Ef fleiri sækja um en sæti leyfa er raðað eftir menntun og reynslu umsækjenda.

Kröfur:

Grunnnámskeiðinu lýkur með prófi, bæði bóklegu og verklegu. Krafist er 75% árangurs í skriflegu prófi og nemendur skulu standast verkleg próf. Farið er fram á skyldumætingu í fyrirlestra og verklegar æfingar. Nemendur þurfa einnig að ljúka starfsþjálfun á sjúkrabílum, bráðamótttöku, Hjartagátt og hjá 112 og skila fullnægjandi starfsþjálfunarskýrslum. Að því loknu geta nemendur sótt um löggildingu til að hefja störf sem sjúkraflutningamenn með grunnmenntun.

Tilhögun starfsþjálfunar í grunnnámi.

Í skipulagi Fagráðs skólans um námið er skýrt að starfsþjálfun þarf að taka á ákveðin hátt.

Þjálfun á sjúkrabíl 48 tímar.

Þar þarf að taka lágmark tvær 12 tíma vaktir sem þriðji maður á sjúkrabíl undir leiðsögn bráðatæknis, tvær 12 tíma vaktir má taka sem þriðji maður á almennum bíl undir leiðsögn amk. neyðarflutningamanns. Vaktirnar skal taka þar sem eru sólarhringsvaktir og lágmarksfjöldi sjúkraflutinga er yfir 1000 á ári.

Lágmarksfjöldi tilfella er talað um 15 tilfelli og skulu þau spanna sem mest þau tilfelli sem sjúkraflutingamenn þurfa að kunna skil á í náminu.

Ein 8 tíma vakt skal taka á Bráðamóttöku Landspítala eða Sjúkrahússins á Akureyri.

Fjóra tíma skal taka hjá Neyðarlínunni, vaktstöð 112 í Skógarhlíð Reykjavík.

Undirrituðum skýrslum og staðfestingu á vöktum skal skila til skrifstofu skólans þegar allar vaktir hafa verið teknar. Einnig má skila þeim skönnuðum á PDF formi.

Athugið að til þess að starfa sem sjúkraflutningamaður þar viðkomandi að hafa fengið löggildingu sem sjúkraflutningamaður.

Kennslubók:
 

Kennslubók: Emergency Care, 13/E

Limmer, O'Keefe, Grant, Murray, Bergeron & Dickinson

ISBN-10: 0134024559 • ISBN-13: 9780134024554

©2016

Athugið að kennslubókin eru ekki innifalin á námskeiðsverði en hægt að panta bæði á erlendum bókasölum en einnig hjá Bóksölu studenta. Panta þarf bókina með fyrirvara.

ISBN númerið er einskonar kennitala bókarinnar til að tryggja að um sé að ræða rétta bók. Kennslubókin hefur tvö ISBN númer, bæði í flokki 10 og 13 en þetta er sama bókin.

Umsóknarfrestur:
 

Umsóknarfrestur er til og með 15. ágúst.  Væntanlegir nemendur verða að skrá sig á vef skólans og senda gögn til staðfestingar inntökuskilyrðunum. Gögnin eru staðfest afrit frá skóla þar sem fram koma einingar og prófskírteini ef námi er lokið (lágmark 60 einingar) og þátttöku á skyndihjálparnámskeiði eða sambærilegu. Athugið að miðað er við gild réttindi í skyndihjálp.

Gögnin skulu hafa borist skólastjóra fyrir lok skráningarfrests. Senda skal pfangreind gögn rafrænt á PDF formi á netfangið ie1214@sak.is

 

Eftir að gögn hafa borist skólastjóra fer inntökunefnd í gegnum umsóknir. Þegar niðurstöður hennar liggja fyrir fá nemendur sem komast í námið upplýsingar um greiðslu staðfestingargjalds kr. 60.000. Staðfestingargjald fæst ekki endurgreitt.  Eftirstöðvar kr. 330 þúsund verða rukkaðar meðan á námi stendur.