Fréttir

Búið er að opna fyrir umsóknir um grunnnám í sjúkraflutningum á vorönn. Bæði verður boðið upp á nám í streymi (fjarnám) og staðarnám. Staðarnámið verður á höfuðborgarsvæðinu og kennt í 5 vikur, alla virka daga frá 8-17. Steymisnámskeiðið er sent út á netinu en auk þess þurfa nemendur að mæta í fimm verklegar lotur sem eru ýmist 2 eða 3 dagar. Verklegar lotur verða á Sjúkrahúsinu á Akureyri (að hluta einnig á Slökkvistöðinni á Akureyri, Slökkvistöðinni í Sandgerði og Slökkvistöðinni á Reyðarfirði ef næg þátttaka fæst á hverjum stað.Umsóknarfrestur er til og með 15. nóvember 2019 og frestur til að skila fylgigögnum er til 20. nóvember 2020. Staðfestingargjald, kr. 50 þúsund, þarf síðan að greiða fyrir 10. janúar 2021 fyrir þá sem samþykktir verða í námið.

Hér fyrir neðan er hlekkur á kennsluskrá fyrir veturinn 2020-2021. Ekki er sjálfgefið að hún sé tæmandi þar sem skólinn leitast við að hafa og halda námskeið eftir þörfum á hverjum tíma. Einstakir rekstraraðilar geta óskað eftir sérsniðnum námskeiðum enn þá skal hafa samband við skólastjóra til að fá frekari upplýsingar.

Hrafnhildur Lilja Jónsdóttir hjúkrunarfræðingur og fyrrverandi skólastjóri Sjúkraflutningaskólans og Sveinbjörn Dúason bráðatæknir hafa, fyrir hönd Háskólans á Akureyri, fengið styrk frá Evrópusambandinu til að gera evrópska háskólanámskrá fyrir bráðatækna til BS prófs ...

Í haust býður skólinn upp á fjölda námskeiða í sérhæfðri endurlífgun, bæði fullorðinna (ILS-ALS) og barna (EPILS). Allir sjúkraflutningamenn og aðrir heilbrigðisstarfsmenn ættu að sækja þessi námskeið reglulega til að halda sér við og vera með nýjustu ferla á hreinu. Námskeiðin eru haldin í samvinnu við ...